د جوزجان ولايت له والي سره ليدنه
۱۴۴۴/۳/۲۷ يکشنبه
د سرحدونو، قومونو او قبایلو چارو وزارت د جرګو او قبایلي چارو د همغږۍ معين الحاج ملا عبدالخالق عابد، د جرګو رئیس الحاج مولوي محمد اسماعیل غزنوي او ورسره مل پلاوي د جوزجان ولايت له والي سره وکتل.
یاده لیدنه نن په داسې حال کې تر سره شوه چې پر مهال یې د همدې ولایت والي الحاج قاري محمد اسماعیل راسخ، مرستیال والي الحاج ملا ګل محمد سلیم، د جوزجان ولايت د سرحدونو ق.ق چارو ریاست رئیس الحاج قاري سید نصرت الله نصرت هم حضور درلود.
ښاغلي راسخ د پلاوي راتګ ته هرکلی وکړ او دوئ ته يې په جوزجان ولايت کې ښه راغلاست ووایه.
د يادونې وړ ده چې د سرحدونو، قومونو او قبایلو چارو وزارت په پام کې لري چې په همدې ولایت کې یوه لویه ولسي غونډه جوړه کړي، او په همدې تړاو يې يې د والي په شمول له ټولو ولايتي مسؤلينو سره په ګډه د راروانې غونډې په اړه مشورې تر سره کړې او د غونډې د ښه تر سره کېدو په مناسبت پلان هم ونیول شو.
