د سرحدونواوقبایلوچارو وزارت د داخلي تفتیش نوي رئیس په کارپیل وکړ
ښاغلی الحاج مولوي نیازمحمد (تقي) چې د رئیس الوزرا د محترم مقام له خوا د سرحدونو اوقبایلوچارووزارت د داخلي تفتیش د رئیس په توګه ټاکل شوی دی نن د ۱۴۴۳ ه ق کال د ربيع الثاني پر ۱۹مه نېټه د یاد ریاست کارکووونکوته وروپېژندل شو اوپه کار یې پیل وکړ.
د پوهنې وزارت استازي ښاغلي مولوي عبدالرزاق صدیق د نوموړي د پېژندګلوۍ پرمهال په حکومتي چارو کې ادلون بدلون معمول کار وباله وې ویل: په همدې اساس ښاغلی مولوي نیازمحمد تقي د داخلي تفتیش د رئیس په توګه ټاکل شوی دی، دغه مسؤلیت یو امانت دی ، الله ج دې مولوي صاحب ته توفیق ورکړي، چې په ښه شان یې د همکارانو په همکارۍ ترسره کړي .
ښاغلي مولوي صاحب نیازمحمد تقي هم په خپلو خبرو کې وویل : چې دا مسؤلیت امتیاز نه دی، امانت دی ، ددې امانت د ترسره کولو او ساتلو لپاره یې په صداقت اواخلاص ټینګار وکړ، زیاته یې کړه، چې موږ خدمت ته راغلي يو ، په اخلاص خوشحالېږو، کار به په اخلاص کوواو نیمګړتیاوې به هم د اصلاح لپاره په نښه کوو، دغه راز یې په همغږۍ ټینګار وکړ.
