د وزارت اړوندو لېسو او بايزيد روښان انسټيټوټ زده کوونکو او محصلانو ستونزې واورېدل شوې!
د سرحدونو او قبايلو چارو وزارت مسلکي معين ښاغلي محمد آصف ننګ نن شنبې د وزارت اړوند رحمان بابا , خوشال خان لیسو او بايزيد روښان انسټيټوټ له زده کوونکو او محصلانو سره په خپل کاري دفتر کې وکتل او د هغوی ستونزې يې له نږدې واورېدې.
په ياده ليدنه کې زده کوونکو او محصلانو په بېلابېلو برخو کې خپلې يو لړ ستونزې شريکې کړې او د وزارت له مشرتابه څخه يې مننه وکړه، چې په دوامداره توګه يې د دوى پوښتنه کړې او هم يې ورته د زده کړې مناسب چاپېريال برابر کړی دی.
ورپسې د سرحدونو او قبايلو چارو وزارت مسلکي معين ښاغلي ننګ يادو زده کوونکو ته ډاډ ورکړ، چې د تل په څېر به د دوې ستونزو ته حل لارې لټوي او په دوامدار توګه به د زده کوونکو تدريسي او اداري چارې څارې.
