د افغان ځوانانو مخکښې ټولنې له رئيس او یو شمېر غړو سره کتنه!
د سرحدونو او قبایلو چارو وزیر ښاغلي محب الله صمیم نن له غرمې مخکې په خپل کاري دفتر کې د افغان ځوانانو ټولنې د رئیس ښاغلي نجي الله سمون او یو شمېر نورو غړو سره وکتل.
په لیدنه کې د یادې ټولني مشر د خپلو فعالیتونو په اړه معلومات وړاندې کړل وې ویل: موږ په ۱۹ ولایتونو کې ملي، ټولنیز، سیاسي او فرهنګي فعالیتونه لرو او تل مو د نظام او ملي امنیتي دفاعي ځواکونو ملاتړ کړی دی، دغه راز ملي او نړۍ والې ورځې په ځانګړو مراسمو سره لمانځو.
ورپسې د سرحدونو او قبایلو چارو وزیر ښاغلي محب الله صمیم د یادې ټولنې فعالیتونه، چې د نظام په ملاتړ یې کوي وستایل زیاته یې کړه: په اوسنیو حساسو شرایطو کې دا زموږ د ټولو ګډ مسوولیت دی، چې د خپل جمهوري نظام او ملي امنیتي او دفاعي ځواکونو ملاتړ وکړو، ښاغلي صمیم دوې د هرډول همکاریو ډاډ ورکړ.
