د شهيد قوماندان رحمت الله مبارز پاک روح ته دعا وشوه!
د سرحدونو او قبايلو چارو وزير محترم محب الله صميم غزني ولايت ته د خپل سفر په ترڅ کې دحاجي نقيب الله مبارز کور ته تشريف يوړ او د هغه د زوې شهيد قوماندان رحمت الله مبارز پاک روح ته يې، چې د روژې په مبارکې مياشت کې د هېواد او خلکو دښمنانو له خوا په شهادت رسېدلې و، د مغفرت دعا وکړه.
ښاغلي محب الله صميم د ارواښاد کورنۍ ته د خپل ژور خپګان مراتبو څرګندولو په ترڅ کې د الله ج له دربار څخه شهيد ته د فردوس جنت غوښتنه وکړه او د هېواد دښمنان يې اجير او بې رحمه قاتلان وبلل.
په مقابل کې ښاغلي نقيب الله مبارز د سرحدونو او قبايلو چارو وزير له خواخوږی او ملي احساس څخه مننه وکړه.
