په حیرتان کې د سرحدي ښارونو د همپالنې او همغږۍ په پروګرام کې ګډون!
په دې غونډه کې، چې نن له غرمې وروسته جوړه شوه د سرحدونو او قبایلو چارو وزير ښاغلي محب الله صميم، ورسره مل پلاوي او د سرحدي ښارونو د همپالنې کاروان چارواکو او ځوانانو ګډون کړی و.
ښاغلي صمیم په خپلو خبرو کې وویل چې د امن، ثبات او اقتصادي ګټو د تامین په خاطر د ملتونو همگرايي مهمه ده. هغه وویل چې نړیوالتوب داسې پدیده ده چې سرحد نه پېژني او له دې پدېدې څخه باید د اقتصاد په پیاوړتیا، امنیت او ثبات کې استفاده وکړو.
د سرحدونو او قبایلو چارو وزیر ددغه کاروان فعاليتونه او کړنې، چې د آسیا د زړه هېوادونه او ملتونه نږدې کوي وستایلې.
