د خاشرود ولسوالۍ له یو شمېر قومي مشرانو او مخورو سره لیدنه!
د سرحدونو او قبایلو چارو وزیر ښاغلي محب الله صمیم نبمروز ولایت د خپل رسمي سفر په ترڅ کې نن د خاشرود ولسوالۍ له یو شمېر قومي مشرانو او مخورو سره ولیدل او د هغوی شته سیمه ییزې ستونزې یې له نږدې واورېدې.
د خاشرود ولسوالۍ یادو مشرانو په بېلابېلو برخو کې د سرحدونو او قبایلو چارو د وزیر ښاغلي محب الله صمیم هڅې او لاسته راوړنې وستایلې او دغه راز یې مننه وکړه چې د ولسونو شته ستونزې د حل په موخه تر اړوندو چارواکو پورې رسوي او د خپلو ولسونو خدمت کوي.
ورپسې د سرحدونو او قبایلو چارو وزیر ښاغلي محب الله صمیم د ملي یووالي، ولسي بسیج، د سولې ټینګښت او ورته نورو برخو کې د قومي مشرانو او مخورو رول مهم وباله او له دوی څخه یې غوښتنه وکړه چې په دې برخو کې له وزارت سره همکار پاتې شي، تر څو وکولاي شو خپلو ولسونو ته غوره خدمتونه وړاندې کړو.
دغه راز یې یادو مشرانو ته ډاډ ورکړ، چې شته ستونزې به یې د حل په موخه له اړوندو ادارو سره شریکې کړي.
