اطلاعاتو ته د لاسرسي کمېسیون له کمېشنرې سره کتنه!
د سرحدونو او قبایلو چارو وزیر ښاغلي محب الله صمیم نن له غرمې وروسته اطلاعاتو ته د لاسرسي کمېسیون له کمېشنرې اغلې زهرا موسوي سره د خپل کار په دفتر کې وکتل.
په دې کتنه کې دواړو لورخلکو ته د اطلاعاتو د ورکړې پر ګټو، په دولتي ادارو کې د شفافیت رامنځته کولو، د اداري فساد په مخنیوي کې د اطلاع ورکولو پر ارزښت، خلکو ته د معلوماتو ورکولو په برخه کې د اسانتیاوو رامنځته کولو، د کمېسیون د دندو او واکونو، د وزارت د مکلفیتونو، او د کمېسیون او وزارت ترمنځ د کاري اړیکو په پراختیا او ګډې همکارۍ خبرې وکړې.
