له ولسونو سره د اړیکو په پراختیا ټینګار!
د سرحدونو او قبایلو چارو سرپرست او نوماند وزیر ښاغلي محب الله صمیم نن شنبې د روان لمریزکال د تلې میاشتې پر ۲۶ مه نېټه د ولسمشر له سلاکار ښاغلي شېر محمد بهادر، د ملي مصالحې عالي شورا له سلاکار ښاغلي ګل احمد خان تڼي، ښاغلي ملک اکبر خان او له یو شمېر قومي مشرانو سره د خپل کار په دفتر کې وکتل.
په دې کتنه کې راغلو مشرانو د خپلو سیمه ییزو ستونزو شریکولو ترڅنګ له وزارت سره د خپلو همکاریو ډاډ ورکړ.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم په خپلو خبرو کې د یادو مشرانو ستونزې پر ځای وبللې او له ولسونو سره یې د اړیکو په پراختیا، ملي یووالي او بشپړې همغږۍ ټینګار وکړ.
