د بغلان ولايت له دیني عالمانو او مجاهدينو سره کتنه
پنجشنبه ٢ ذوالحجه الحرام ١٤٤٥
د سرحدونو، قومونو او قبايلو چارو سرپرست وزير الحاج ملانورالله نوري د بغلان ولايت له ديني عالمانو او مجاهدينو سره په خپل کاري دفتر کې وکتل. راغلیو دیني عالمانو د سرحدونو، قومونو او قبايلو چارو وزارت د مسؤلينو له لوري د قومونو ترمنځ د همغږۍ په برخه کې له تر سره شويو کړنو او فعالیتونو مننه وکړه او زياته يې کړه چې دوی هم په ډېره لېوالتیا سره د خپل نظام کلک ملاتړ کوي او تل به يې همکار وي. ورپسې سرپرست وزير الحاج ملا نورالله نوري په خپلو خبرو کې وويل چې ستاسو درنو ديني عالمانو او مجاهديو په هلوځلو، ملاتړ او همکارۍ په افغانستان کې د اشغالگرو پر وړاندې شل کلن جهاد په بريا سره پای ته ورسېد او ټول افغانان اوس الحمدالله د يو اسلامي نظام تر چتر لاندې د خوښۍ ژوند کوي.
