کنړ کې د پنځه کلنې دښمني پای

یک شنبه ۲۸ ربيع الآخر ۱۴۴۸

د کنړ ولايت د سرحدونو، قومونو او قبايلو چارو رياست د رئيس په مشري د قومي مشرانو، ديني عالمانو او مخورو په هڅو د دغه ولايت په منورې ولسوالي کې د تېرو پنځو کلونو دوامداره دښمني په سوله ييز ډول حل او دواړو خواوو د ورورولي لاسونه سره ورکړل.

ياده شخړه، چې د ځينو خپلمنځي مسائلو پر سر راپورته شوې وه او کلونه کلونه یې دوام کړی وو، د ژورو اختلافاتو له کبله څو څو ځله د دواړو لوريو ترمنځ پکې فزیکي اخ ډب هم راپورته شوی و، چې په پايله کې يې دوه تنه ټپيا شوي وو.

د يادې دښمني د حل پرمهال د ښکېلو کورنيو مشرانو د اسلامي امارت د مسؤلينو هڅې وستايلې، په ترسره شوې روغه يې خوښي څرګنده کړه او ژمنه يې وکړه، چې په راتلونکې کې به يو بل ته هېڅ ډول ستونزې نه ايجادوي