په کنړ ولایت کې ٢٧ کلنه او بلخ ولایت کې ٤٠ کلنه شخړه حل شوه
د کنړ ولایت په ناړۍ ولسوالۍ کې (۲۷) کلنه، د بلخ ولایت په چمتال ولسوالۍ کې ( ٤٠) کلنه شخړه او دغه راز د جورجان په ولایت کې هم د دوو کورنیو ترمنځ شخړه د سرحدونو، قومونو او قبایلو چارو وزارت د محلي ادارو د مسولینو، قومي مشرانو او علماوو په منځګړيتوب د بېلابېلو جرګو په ترڅ کې حل او په دوستۍ بدلې شوې.
په همدې مناست يه جوړو شویو مراسمو کې د سرحدونو، قومونو او قبایلو چارو وزارت د محلي ادارو مسولینو، یادو ولایتونو قومي مشرانو او مصلیحینو د عفوې او بخشش په ارزښت خبرې وکړې ويې ویل: چې د افغانستان ټول وګړي مسلمانان او سره ورونه دي او د داسې نظام تر حاکمېت لاندې ژوند کوي چې مشران یې عالمان او د افغاني ټولنې له منځ څخه را پورته شوي خلک دي، نو په دې اساس ولس ته پکار ده چې ملاتړ یې وکړي، نوموړو همداراز د قومونو تر منځ په وحدت او اتفاق ټنګار وکړ او په شخړو کې یې د ښکېلو لورو ترمنځ یې د اسلامي احکامو او افغاني دودونو په رڼا کې فصلې اعلان کړې او پېښې شوې بېلابېلې دښمنۍ يې په ورورولۍ بدلې کړې.
په پاي کې ښکیلو لوريو د ورورګلوۍ په فضاء کې د سولییز ژوند کولو ژمنه وکړه او د مشرانو له لوري له يو بل سره غاړه په غاړه شول، نوموړو د جرګې له منځګړو څخه مننه وکړه چې د دوی تر منځ يې د راپورته شویو شخړو په ختمولو کې نه ستړې کېدونکې هلې ځلې کړې دي.
