په کندز ولایت کې د دوو قومونو ترمنځ بدي په روغه بدله شوه
د کندز ولایت د توبره کش په سیمه کې د دریو قومونو تر منځ خپل منځي شخړه، تیره ورځ سه شنبه د دغه ولایت د سرحدونو قومونو او قبایلو چارو د رئیس مولوي احسان الله ثاقب او د سیمي د قومي مشرانو په هڅو او منځګریتوب په روغه جوړه بدله شوه.
د دغې روغې جوړې په ترڅ کې د کندز ولایت ټولو قومي مشرانو او د شخړې حل کونکو لوریو د سرحدونو، قومونو او قبایلو چارو ریاست رول په دغه ډول ناستو کې مهم وباله او د دوی له هڅو څخه یې مننه او ستاینه وکړه. دوی په خپلو خبرو کې زیاته کړه،چې موږ په یوازي سر د دغسي ستونزو د حل کولو جوګه نه یو او له تاسو څخه غواړو چې د منازعاتو په حل کې له موږ سره برخه واخلئ.
د یاد ولایت د سرحدونو، قومونو او قبایلو چارو رئیس مولوي ثاقب دوی ته په خپلو خبرو کې وویل: زموږ دنده ده چې د قومونو د اتحاد او یووالي لپاره کار وکړو او که کله یې تر منځ کومه پېښه کیږي حل لاره ورته ولټوو او منځګړیتوب یې وکړو. ښاغلي ثاقب همدارنګه زیاته کړه: زه اطمنان درکوم چې د شخړو او قومي ستونزو د هوارولو په برخه کې ولایت مقام او نور ټول مسؤلین د هر ډول همکاریو لپاره چمتو دي او پوره ملاتړ مو کوي.
د روغي جوړي همدا غونډه د هیواد د تلپاتي سوکالي او اتحاد په دوعا پای ته ورسېده.
