په کابل کې د جګړې له امله د کندز له بې ځایه شویو سره لېدنه!
د سرحدونواو قبایلو چارو وزارت د جرګو او قبایلي چارو د همغږۍ معین ښاغلي محمد یعقوب احمدزي په داسې حال کې، چې د کډوالو او راستنېدونکو چارو وزارت او د پېښو پر وړاندې د مبارزې ادارې استازي هم ورسره وو، نن چهارشنبه د۱۴۰۰لمریز کال د چنګاښ پر ۹ مه نېټه د جګړو له امله د کندز ولایت له ۴۰ بې ځایه شویو کورنیو سره چې دا مهال د سرحدونو او قبایلو چارو وزارت د شهرنو په مېلمستون کې د سرحدونو او قبایلو چارو وزیر ښاغلي محب الله صمیم د هدایت پراساس شپې ورځې تېروي وکتل او د دوی ستونزې یې له نږدې واورېدلې.
ښاغلي احمدزي یادو بې ځایه شویو کورنیو ته چې شمېر یې ۱۴۰ تنو ته رسیږي د وزارت له امکاناتو سره سم یې د ستونزو د حل ډاډ ورکړ. دغه راز یې ستونزې د حل په موخه د کډوالواو راستنېدونکو چارو وزارت او د پېښو پر وړاندې د مبارزې ادارې له استازو سره شریک کړل او په دې اړه یې د وزارت د تشریفاتو ریاست ته لارښوونه وکړه، چې عزت داري او خدمت یې وکړي.
