په پکتیکا ولایت کې ۳۵ کلنه شخړه په دوستي بدله شوه
۱۵/۱۰/۱۴۴۵
د پکتیکا ولایت په شکین ولسوالۍ کې د سرحدونو، قومونو او قبایلو چارو ریاست، د یادې ولسوالۍ مسؤلینو او قومي مشرانو په هلوځلو ۳۵ کلنه شخړه حل شوه.
دغه شخړه چې د یاد ولایت د بانځي او سلیمانځي قومونو تر منځ د ځمکو پر سر رامنځته شوې وه او د دواړه لوري یې له ناخوالو سره مخ کړي وو، د سیمه ییزو مشرانو او اړوندو مسؤلینو د ستړیاوو په پایله کې په دوستي بدله شوه.
د شخړې د حل پر مهال ځایې اوسېدونکو او د شخړې ښکېلو لوریو د مسؤلینو او قومي مشرانو له ستړیاوو قدردانی وکړ او د ولسونو تر منځ د بدیو او شخړو حل کول یې د ټولنې نېک بختي وبلله.
