په ولسواليو کې د ولسي یووالي او ستونزو د اورېدو غونډې
پنجشنبه ۱۶ ربيع الثاني ۱۴۴۷
د سرحدونو، قومونو او قبایلو چارو وزارت د پلان سره سم د هيواد په بېلابېلو ولایتونو کې له ولسي خلکو سره د ولسي یووالي او ستونزو د اوريدو په موخه غونډې ترسره شوې، چې پکې د پکتيکا ولايت شخيل آباد او بکخيل ولسوالي، د لغمان دولت شاه، د ميدان وردګ حصه اول بهسود او د هرات ولايت کشک کهنه ولسوالي موجودې وې.
د غونډو ګډونوالو د اسلامي نظام تر سیوري لاندې ژوند پُرامنه، باعزته او خوندي وباله او د حاکم نظام څخه يې کلک ملاتړ څرګند کړ. دوی يوځل بيا په دي ټينګار وکړ او ويې ويل: لکه څنګه چې د جهاد پر مهال د مجاهدینو ترڅنګ ولاړ وو اوس هم د اسلامي امارت د ټینګښت او بقاء لپاره چمتو يو.
د ولسواليو په کچه د دغو جوړو شويو غونډو پرمهال مسؤلینو د ولسي ملاتړ قدردانی وکړ او ويې ويل: افغانستان یو خپلواک ملت دی او هيڅ بهرني ځواک ته به تسلیم نه شي. يادو مسؤلينو د امیرالمؤمنین حفظه الله د بدو دودونو او رواجونو د مخنیوي فرمان هم تشریح کړ او د غونډې په ګډونوالو يې وويشه.
