د اسلامي نظام تر چتر لاندې د شریعت د تنفیذ په موخه له خلکو سره د همغږۍ غونډه
سه شنبه ۱۹ ربیع الاول ۱۴۴۸
د باميان ولايت په پنجاب ولسوالي کې د دغه ولايت د سرحدونو، قومونو او قبايلو چارو آمريت د مسؤلينو په مشري د ولايتي ادارې دمشرانو، ولسوالي د استازو، ديني عالمانو، قومي مخورو او عامو خلکو ترمنځ د اسلامي نظام ترچتر لاندې د شريعت د تنفيد په موخه له خلکو سره د همغږۍ پراخه ولسي غونډه وشوه.
غونډې ته مسؤلينو د خپلو ويناوو پرمهال په ټولنه کې د اخوت او ورورولي پر اړتیاوو ټینګار وکړ او دا یې د اسلام د مبارک دین له مهمو برخو وبلل. مسؤلينو په ټولنه کې ديني عالمان او قومي مخورو خورا مهم خلک ياد کړل او غوښتنه يې تري وکړه، چې په ولسونو کې دې د سولي، ورورولي او همداراز د شریعت د تنفیذ د پياوړتيا لپاره کار وکړي.
د يادې رابلل شوې غونډې په ترڅ کې سيمه ييزو مشرانو د پنجاب ولسوالي د خلکو ستونزي له مسؤلينو سره شريکې کړې، چې پکې د پنجاب ولسوالي د سړک ترمیم، د يادې ولسوالي د روغتون د بسترونو د ضرفيت لوړونه، خلکو ته د کاري فرصتونو برابرول او د کوچيانو په برخه کې ستونزو ته رسېدنه شامل وو
