په هیواد او په خاصه توګه جنوب لویدیځې دقومونو او مشرانو تر مینځ پر یووالی ټینګار!
د سرحدونو او قبايلو چارو وزير محترم محمد شفيق ګل آغا شېرزي نن ماښام په خپل استوګنځي کې په داسې حال کې چې د وزارت مسلکي مرستیال ښاغلي داکټر فریدون بارکزی هم حاضرو، د هېواد د جنوب لوېدېځې حوزې له ولسی استازو ، قومی مشرانو، مخورو او سیاسیونو سره وکتل.
په دې کتنه کې د هلمند ولایت په ولسی جرګه کی پخوانۍ استازی او جهادی شخصیت ښاغلی میرولۍ همت ، د هلمند اوارزګان ولایتونود ولایتي شورا محترمو ریسانو او غړو، جنوب لوېدېځې حوزې قومي مشرانو، د ۱۰۱مې فرقې درستیزوال تورنجنرال عبدالرزاق شېرزی ګډون درلود د هېواد په تېره بیا د جنوب لوېديځې حوزې د ولایتونو په روان سیاسی او امنیتی وضعیت څرګندونې او بحثونه وسول.
محترم شیرزی صاحب وفرومایل:
افغانستان او په خاصه توګه کندهار چی د هیواد سیاسی پلازمینه بلل کیږی او یاده حوزه او هلته میشت درانه قومونه تر هر وخت زیات یووالې او اتحاد ته ضرورت لری تر څو پدی نازکو شیبو کی هم د یادی حوزی او هم د هیواد دستونزو په کابو کولو کښی خپل رغنده او تاریخی رول ادا کړی.
په پای کې د سولې د ټينګښت، او د قومونو د انسجام په برخو کې د سرحدونو او قبايلو چارو د محترم وزير هلې ځلې وستايل شوې او یادو مشرانو د جنوب لویدیځې حوزی پر
ولسونو هم غږ وکړ، چي د خپلو ستونزو د هوارولو لپاره ټول میشت درانه قومونه په اتفاق سره غږ پورته کړي . او د سلا مشورو او نظریاتو د تبادلې په موخه دغه شان نوري غونډي هم جوړي شي.
تل دی وی افغانستان
