په هرات کې د فاتحو په بېلابېلو مراسمو کې ګدون!
د سرحدونو او قبایلو چارو وزير محترم محمد شفيق ګل اغا شېرزي نن سې شنبې د ۱۳۹۸ لمریز کال د وږي میاشتې په 19 مه نېټه له غرمې مخکې هرات ته د خپل سفر په ترڅ کې د دغه ولايت د بارک د سرتاسري شورا د ريس ښاغلي حاحی عبدالستار پهلوان او له غرمې وروسته د هرات د کوهسان ولسوال ښاغلي حاجي امين هفت بلا کورونو ته تشريف يوړ، د نوموړو د وروڼو د فاتحو په مراسمو کې يې برخه واخيسته او د خپل ژور خپګان، خواخوږۍ او تسليت مراتب يې وړاندې کړل .
ښاغلي شېرزي د لوى خداى ج له دربار څخه خداې بخښلو ته د فردوس جنت او وارثانو او د کورنيو ټولو غړو ته يې د جميل صبر او عظيم اجر هېله وکړه.
په مقابل کې ښاغلي عبدالستار پهلوان او ښاغلي حاجي امين هفت بلا د سرحدونو او قبايلو چارو د محترم وزير له نيک احساس او غمشريکۍ څخه مننه وکړه.
