په نیمروز ولایت کې د سرحدي ولسوالیو د خلکو ستونزې واورېدل شوې
۲۵/۴/ ۱۱۴۵
د سرحدونو، قومونو او قبایلو چارو سرپرست وزیر الحاج ملا نورالله نوري د عالیقدر امیرالمؤمنین حفظه الله د هدایت پر اساس د نیمروز ولایت د خلګو د ستونزو اورېدو په هدف د یاد ولایت د سرحدي ولسوالیو له قومي مشرانو سره ناسته وکړه. په دغه ناسته کې د نیمروز ولایت والي ملا نجیب الله رفیع، د سرحدي ولسوالیو ولسوالانو او یو شمېر قومي مشرانو ګډون درلود.
په یاده ناسته کې د نیمروز ولایت د سرحد میشتو ولسوالیو په استازیتوب یو شمېر مشرانو د عالیقدر امیرالمؤمنین حفظه الله له ځانګړي شفقت څخه مننه وکړه چې د دوی حال اخلي او له ستونزو یې ځان خبروي، دوی په خپلو خبرو کې یو لړ سیمه ییزې ستونزې او غوښتنې د حل په موخه شریکې کړې.
په پای کې د سرحدونو، ق.ق چارو وزیر الحاج ملا نور الله نوري وویل: چې د افغانستان په ټولو ولايتونو، ولسواليو او کلیو کې قومي اختلافات، تعصبات او قوم پرستۍ ختمه شوې دي، ولسونه د یوه نظام تر چتر لاندې په ملي وحدت کې ژوند کوي، نوموړي د ولسونو د ستونزو حل خپله وجیبه وګڼله او ډاډ یې ورکړ چې د دوی ستونزو ته به حتی الامکان دحل لارې پیدا کوي.
