په ننګرهار او کنړ ولايتونو کې د شخړو له امله بيلابېلې کورنۍ بېرته سره پخلا شوې
سه شنبه ١٩/۴/۱۴۴۶
د ننګرهار ولايت په بټي کوټ ولسوالۍ کې د دوو کورنيو ترمنځ هغه راپورته شوې شخړه حل شوه، چې د ښکېلو کورنيو ترمنځ يې ژور خپګان رامنځته کړی وو او له يو بل سره يې راشه درشه نه کوله.
د ننګرها ولايت د سرحدونو، قومونو او قبايلو چارو رياست په مشرۍ، د جرګو او قبايلو چارو د همغږۍ آمريت، علماوو او قومي مشرانو په منځګړيتوب لومړی د دغو کورنيو مسؤلينو ته د عفوې اوبښنې په تړاو ويناوې وشوې او بيا دواړه کورنۍ سولې، اخوت او ورور ولۍ ته را وبلل شوې، چې په همدې توګه د جرګه کوونکو له لوري سره غاړه غړۍ شول او دښمني يې په دوستۍ بدله شوه.
په ورته مهال د کنړ ولايت په مرکز اسعد آباد کې د دوو هيوادوالو تر منځ هم یو جنجال د دغه ولايت د سرحدونو، قومونو او قبايلو چارو د رئيس ملا تحميد الله ارشاد غازي په مشرۍ لومړی د دواړو لوريو څخه عام او تام واکونه واخيستل شول او بيا يې تر منځ مصلحينو منصفانه فيصله وکړه، چې طرفينو پرې قناعت حاصل کړ او يو بل يې وبښل.