په میدان وردګو ولایت کې قومي مشرانو ته یو ورځنی ورکشاپ دائر شو
۱۸\۷\۱۴۴۵
په میدان وردګو ولایت کې د سرحدونو، قومونو او قبایلو چارو آمریت د سید آباد ولسوالۍ څو تنو قومي مشرانو ته د اقلیم د بدلون په اړه یو ورځنی ورکشاپ دائر کړ چې پر مهال یې د یاد آمریت آمر ښاغلي امین الله اخندزاده او قومي مشرانو ګډون کړی وو.
په پیل کې د یاد ریاست آمر راغلیو میلمنو ته ښه راغلاست ووایه او زیاته یې کړه: ستاسو له راټولولو څخه مو هدف دا دی چې د یادې ولسوالۍ د اوبو کچه لوړه شي او د اوبو د ارزښت په اړه ستاسې معلومات زیات شي تر څو په راتلونکې کې د اوبو له کمښت سره مخ نه شو.
قومي مشرانو د مسؤلینو څخه غوښتنه وکړه چې په یادې ولسوالۍ کې دې د بې ځایه برمو وهلو مخنیوی وکړي او همداراز د اوبو ذخیره کولو لپاره دي د حکومت او همکارو مؤسیسو له لوري چیک ډیمونه ورغول شي. د دغه ورکشاپ په ورستیو کې مسؤلینو قومي مشرانو ته ډاډ ورکړ چې د دوی ستونزې یې واورېدلې او د حل لارو چارو لپاره به یې کوښښ کوي.
