په ميدان وردګ ولايت کې د یوه باب جماعت افتتاح وشوه
د سرحدونو، قومونو، اوقبايلو چارو سرپرست وزیر الحاج ملا نورالله نوري، د جرګو او قبایلي چارو د هممغږۍ رئیس شيخ حضرت ولي حقاني د ميدان وردګ ولايت د سيد اباد ولسوالي په شيخ آباد سيمه کې دضياء المدارس دیني مدرسې په انګړ کې د خبيب بن عادي په نوم د یوه جامع جومات افتتاح وکړه. ياده غونډه کې د یاد ولايت د والي د مرستيال الحاج مولوي حافظ سيد الرحمن په شمول ددې ولايت ګڼو مسؤلينو، د سيد آباد ولسوالي ولسوال ملا عبدالغني اخندزاده او د يادې مدرسې استادانو هم ګډون درلود. یاد جماعت د ترکيې هيواد د (IHH) خيريه مؤسسې له خوا د پنځو مياشتو په موده کې په اساسي ډول جوړ او ګټې اخستنې ته وسپارل شو.
