په لوګر ولایت کې له قومي مشرانو سره ناسته
١٦/٧/١٤٤٥
په لوګر ولایت کې د سرحدونو، قومونو او قبایلو چارو رئیس مولوی محمد عالم رهبر د یاد ولایت د مرکز حصارک سیمې له قومی مشرانو سره وکتل.
په دغه ناسته کې ښاغلي رهبر ګډونوالو ته ښه راغلاست ووایه او زیاته یې کړه چې یاد ریاست د ټولو قومونو ګد کور دی ستاسې د ستونزو د حل یوازینی مرجع ده، تاسو هر کله کولای شئ خپلې ستونزې له موږ سره د حل په موخه شریکې کړئ.
قومي مشرانو د خبرو پر مهال ځینې ځایې ستونزې یادې کړې او د هغوی د حل غوښتنه یې وکړه.
په پای کې ښاغلي رهبر له مشرانو سره د دوی د ستونزو او مشکلاتو د حل ژمنه وکړه او زیاته یې کړه چې ستاسو ستونزې به له اړوند مرجع سره شریکوو او د حل لپاره به یې کوښښ کوو.
