په لوګر ولایت علماء کرامو او قومي مشرانو ته سمینار ورکول شو 

۱۸\۶\۱۴۴۵

په لوګر ولایت کې علماوو او قومي مشرانو ته د شریعت او عرف په نګاه کې د کورني نظام په اړه سمینار ورکول شو.

په یاد سمینار کې د سرحدونو، قومونو او قبایلو چارو رئیس مولوي محمد عالم رهبر د یاد ولایت د مرکز په شمول د ټولو ولسوالیو علماء کرامو، قومي مشرانو، د اړیکو دفتر مؤسسې عمومي مسؤل سجاد احمد شیرزاد، او د لوګر ولایتي مسؤل نثار احمد صافي ګډون کړی و.

په پیل کې د یاد ریاست رئیس ښاغلي رهبر مېلمنو ته ښه راغلاست ووایه او د یاده شوې موضوع اهمیت او ارزښت یې واضح کړ.

وروسته ماسټر ټرینر عبد الواسع ستانکزي په یاده موضوع ښوونیز سیمینار وړاندې کړ، او په اړه یې ډېر مهم او ارزښتناک معلومات د غونډې له ګډونوالو سره شریک کړل.
 د غونډې په پای کې قومي مشرانو او دیني علماوو یاد سیمینار ګټور وباله او په راتلونکې کې یې د دا ډول پروګرامونو د جوړولو غوښتنه وکړه