په فاریاب کې دوه کلنه بدي په سوله بدله شوه
۱۴۴۵/۱۰/۲۴
د فاریاب ولایت د محمدزیو قوم د دوو خېلونو ترمنځ له دوو کلونو راهیسې رامنځته شوې بدي چې دوه تنه پکې وژل شوي او یو تن پکې ټپي شوی هم و، تېره ورځ د یاد ولایت مقام، د سرحدونو، قومونو او قبایلو چارو ریاست، مسؤلینو او سیمه ییزو مشرانو په منځګړیتوب حل او په دوستي بدله شوه.
د یادې شخړې د حل په غونډه کې د یاد ولایت والي مولوي حمیدالله ارشاد او د سرحدونو، قومونو او قبایلو چارو رئیس مولوي محمد میر صارم جنګ د نسلونو تباهي وبلله او د شخړې طرفین یې د سولې او ښېګڼې لوري ته را وبلل.
د ناستې په وروستیو کې د بدي ښکېلو لوریو ته د مرکې له لوري نیول شوې پرېکړه واورېدل شوه، چې دواړو خواوو پرې قناعت وکړ او یوبل ته سره غاړه غړۍ شول.
