په غزني ولایت کې د نیازي قوم د یوې کورنۍ تر منځ شخړه حل شوه
۱۰/۲/۱۴۴۵
په غزني ولایت کې د نیازي کوچیانو د یوې کورنۍ د دوو وروڼو تر منخ را منځته شوې شخړه چې له دووه کلونو راهیسې یې جریان درلود تېره ورځ د یوې ناستې په ترڅ کې حل و فصل شوه. د یادې شخړې د حل پر مهال د غزني ولایت د سرحدونو، قومونو او قبایلو چارو رئیس مولوي محمد اسحق ادریس او د نیازي کوچیانو سرخېلانو حضور دلود.
په پیل کې د یاد ریاست رئیس ښاغلي ادریس د قومونو تر منځ پر یووالي او همغږي خبرې وکړې او دواړه لوري یې د سولې او ورورولۍ لوري ته را وبلل. د موضوع له پوره تحقیق او څېړنې وروسته د راغلیو مشرانو په همکاري د یادې موضوع په اړه پرېکړه وشوه چې یو طرف به په دریو کلونو کې معلوم مقدار پیسې بل لوري ته ورکوي او نور به د وروڼو په څېر ژوند کوي.
په یاده پرېکړه باندې دواړه لورو قناعت وکړ او یو بل ته غاړه غړۍ شول.
