په غزني ولايت کې يوه لويه ولسي غونډه وشوه
چهارشنبه ۱۳/۴/۱۴۴۶
د سرحدونو، قومونو او قبایلو چارو وزارت د جرګو او قبايلوچارو د همغږۍ معين الحاج مولوي محمد علي جان احمد او مل پلاوي نن په غزني ولايت کې د اسلامي نظام ثبات، ولسونو د يووالي او انسجام غونډې ته په وينا کې وويل: لسيزې مو د هيواد د ازادۍ لپاره شهيدان ورکړي او اوس هم وعده کوو، چې د اسلام د پلي کولو لپاره هر راز قربانۍ ته تيار يو ښاغلي احمد زياته کړه: تېر حکومت کې هيچا د شريعت غږ نه شو پورته کولى، ډيموکراسي وه، د خلکوعزت خوندي نه و ناپوهي اخري حد ته رسيدلې وه خو لله الحمد د دې نظام په راتګ سره ټول غير اسلامي کارونه له منځه ولاړل او د جهل دروازې وتړل شوې. نوموړي له خلکو وغوښتل چې د نظام د لا تقويې لپاره هلې ځلې وکړې ترڅو ولسونه د هميش لپاره د خپلواکۍ او عزت ژوند وکړي.
غونډه کې قومي مشرانو د خپلو ويناوو په ترڅ کې د ا.ا دري کلنې لاسته راوړنې وستايلې ويې ويل: د تېر حکومت چارې د نورو خلکو په اشارو چليدې، ولس ته يې پام نه وو خو اوس لله الحمد په کامله معنا يو خپلواک اسلامي نظام راغلى. د دې ستر نعمت څخه برخمن هيواد وال دې يې قدردانى وکړي او ځانونه دې د خدمت په موخه ورته وقف کړي. همدا راز د اهل تشيع قومي مشر د نظام څخه د خپل ملاتړ ترڅنک وويل: هيڅ حکومت په يواځي ځان پرمختګ نشي کولاي هغه همدارنګه وويل: موږ ټول قومونه ژمن يو، چې په شريکه او اتفاق سره به دا هيواد آبادوو.
دغه رازد جرګو او قبایلي چارو د همغږۍ رئيس مولوي نيک محمد افغاني ولسونو ته د ډاډ په څرګندولو سره وويل: د اميرالمؤمنين په مشرۍ په تېرو دري کلنو کې د حکومت ښه رهبري په پوره صداقت او امانتدارۍ سره تر سره شوې. کومو خلکو ته يې چې مسؤليتونه ورسپارلي په کراتو کراتو يې پوښتنې ترې کړي. نوموړي ولسونوته وويل، چې اسلامي امارت د يو فرد نه دی، بلکې د ټولو هيوادوالو مشترک نظام دی او په شريکه به د دې نظام د ساتلو او جوړولو هڅې کوو. د اطلاعاتو او عامه اړيکو رئيس مفتي تسليم الله حقاني غزني ولايت ته د دغه سفراوغونډې په تړاو وويل:غواړي له ملت سره د حکومت همغږي لا پياوړې کړي، د ولسونو ستونزې او غوښتنې واوري او لوړ رتبه مسؤلينو ته يې د حل په موخه ورسوي ترڅو شته ستونزې راکمې کړي. غوندې ته د شخړو د حل سلاکار مولوي محمد آجان رهبر وويل: دغزني په شمول په ټولو ولايتونو کې د داسي غونډو په جوړولو غواړو د هيوادوالو ترمنځ يووالی او وحدت لا پياوړی کړو او ستونزو ته يې د حل لارې ولټوو..
