په عبدالرحمان بابا عالي لېسه کې له زده کوونکو څخه د سیرت النبي ﷺ ازموینه واخیستل شوه
سه شنبه ۲۳ ربیعالاول ۱۴۴۷
نن مخکې له غرمې په پلازمېنه کابل کې د سرحدونو، قومونو او قبایلو چارو وزارت اړوند په رحمان بابا عالي لېسه کې د یادې لېسې د آمر او ښوونکو له لوري د سیرت النبي ازموینه واخیستل شوه.
په دغه ازموینه کې شاوخوا ۳۰۰ تنو زده کوونکو ګډون کړی وو، چې موخه یې د نبي کریم ﷺ له صورت او سیرت سره د زده کوونکو بلدتیا، په محمدي اخلاقو او نېکو نبوي خویونو د زده کوونکو سمبالول وو او د میلاد نبي ﷺ د ورځې یادول و.
د یادې ازموینې پرمهال د رحمان بابا عالي لېسې آمر مولوي سمیع الله حقاني زده کوونکو ته په نبوي او قراني اخلاقو د ځانونو سمبالولو ترغیب او تشویق ورکړ او زیاته یې کړه: څوک چې د نبي کریم ﷺ په نقش قدم باندې پښې کېږدي، هيڅکله به ناکام نه شي. نوموړي ژمنه وکړه چې په ازموینه کې د لوړو نمرو اخیستونکو زده کوونکو ته به مالي او معنوي ډالۍ ورکوې.
