په خوست کې د دوو کورنیو تر منځ را پېښه شوې شخړه حل شوه
۲۵/۱/۱۴۴۵
د خوست ولایت قلندر ولسوالۍ د مزغور په سیمه کې د دوو کورنیو تر منځ را منځته شوې شخړه د یاد ولایت د سرحدونو، قومونو او قبایلو چارو امریت او د شخړو د حل کمیسیون له لوري حل او فصل شوه. یاده شخړه چې له څه مودې را په دې د دوو کورنیو تر منځ د غواګانو د یوه فارم پر سر رامنځته شوې وه چې د دریو میلیونو افغانیو په ارزښت جوړ شوی و. د شخړې د حل پر مهال د سرحدونو، قومونو او قبایلو چارو آمر مولوي کلیم الرحمن فاني، د شخړو د حل کمیسیون غړو او د سیمي مشرانو حضور درلود. په پیل کې یادو مشرانو دواړه لوري د شخړې سوله ییز حل ته راوبلل او یاده قضیه یې وڅېړله. وروسته له تحقیق او څېړنې د موضوع په اړه پرېکړه ونیول شوه، راغلیو مشرانو او د ناستې ګډونوالو ته واورول شوه. د شخړې دواړو لوریو د نیول شوي تصمیم څخه خوښي وښوده او د سرحدونو، قومونو او قبایلو چارو آمریت له هڅو څخه یې کور ودانی وکړ. ناسته د دوعا په ویلو سره پای ته ورسېده.
