هرات کې د ۵ کلنې شخړه ترڅنګ بغلان کې هم شخړه حل شوه
دوشنبه ۱۲ شوال المکرم ۱۴۴۷ د هرات ولايت د پنځمې حوزې اړوند سيمه کې د دوو پلرنيو کورنيو ترمنځ د ځينو خپل منځي کورني جنجالونو له کبله راپورته شوې شخړه، چې نېږدې پنځه کاله يې دوام درلود.د ياد ولايت د سرحدونو، قومونو او قبايلو چارو رياست مسؤلينو د ولايتي ادارې په همکاري د قومي مشرانو، ديني عالمانو او سيمه ييزو خلکو په همغږۍ يوه جرګه را وبلله او دغه پنځه کلنې شخړې ته يې د ښکېلو کورنيو په رضايت د پای ټکی کېښود.
په ورته مهال د بغلان ولايت په مرکز کې هم د دريو مختلفو کورنيو ترمنځ د ځمکې د ملکيت پر سر راپوره شوې شخړه د دغه ولايت د سرحدونو، قومونو او قبايلو چارو آمريت د استازو او سيمه ييزو مشرانو په واسيطه حل شوه. دې شخړې د يادو کورنيو ترمنځ اوږده جنجالونه او اندېښنې ايجاد کړې وې.
