موږ ټول باید په ګډه د نظام د پایښت او لوړو ملي ګټو ساتلو لپاره کار وکړو، ځکه د نظام موجودیت د ټولو په ګټه دی.
تېرو څو لسیزو جګړو زموږ هېواد له بېلابېلو ناخوالو سره مخامخ کړی دی، پوهنتونونه مو وران شول، سړکونه مو دښمن په بمونو والوزول، په میلیونونو هېوادال مو د لاسه ورکړل، ګاونډیو هېوادونه ته مهاجر شو او ورته نورې ستونزې، له دې ټولو بدختیو باید موږ دا تجربه واخلو، چې تېر ته نه ګرځو د خپل نظام، جمهوریت، امنیتي ځواکونو او ملي ګټو ملاتړ باید په ویاړ سره وکړو. د ویاړ ځای دا دی چې زموږ ولسونه اوس د خپل نظام بشپړ ملاتړي دي او په برخو کې یې زیاتې قربانۍ ورکړي.
په دې برخو کې دیني عالمان، قومي مشران، مخور، ځوانان، رسنۍ، فعالې خویندې او ورته نور قشرونه خورا مهم او د پام وړ رول لري هیله مو دا ده چې همدا قشرونه له حکومت سره اوږه په اوږه هېواد او ولسونو ته کار وکړي او خپل ولس له دې بدبختیو وژغوري.
درنښت
محب الله صمیم
د سرحدونو او قبایلو چارو وزیر
