له دوست هېواد هندوستان سره د مرستو او همکاريو هوکړه ليک لاسيک شو
دغه هوکړه ليک ، په داسې حال کې، چې د ملي يووالي حکومت اجرايه ريس ښاغلى ډاکټر عبدالله عبدالله هم حضور درلود، د سرحدونو او قبايلو چارو وزارت مسلکي مرستيال ښاغلي ډاکټر فريدون بارکزي، په کابل کې د دوست هېواد هندوستان د سفير او د اقتصاد وزير ښاغلي مصطفى مستور له خوا لاسليک شو.
په دې غونډه کې له افغانانو سره په بېلابېلو برخو کې د دوست هېواد هندوستان د دوامداره او بنسټيزه مرستو او همکاريو له امله مننه وشوه.
همداراز په کابل کې د هندوستان سفير له افغانو سره د خپلو مرستو او همماريو د دوام ډاډ ورکړ، هند تر اوسه پورې له افغانانو سره د دوه ميلیارده امريکايي ډالرو په ارزښت مرستې کړي دي.
د يادونې وړ ده، چې نن د سرحدونو او قبايلو چارو وزارت مسلکي معين ښاغلي بارکزي په وزارت کی د اقتصاد وزارت له سلاکار ، پلان او پاليسۍ، تدارکاتو او د مقام د دفتر له ريسانو سره په کتنه کې د دوست هېواد هندوستان هېواد له خوا د پکتيا ولايت د پروژې پر وخت او ښه تطبيقولو، چې چارې يې دېرش سلنه پرمخ تللی، ټینګار وکړ.
