له بېلابېلو شخصیتونو سره ناسته!
د سرحدونو او قبایلو چارو سرپرست او نوماند وزیر ښاغلي محب الله صمیم نن شنبې د ۱۳۹۹ لمریز کال د تلې میاشتې پر ۵ مه نېټه له بېلابېلو قومي ، علمي، فرهنګي شخصیتونو او دولتي چارواکو سره د خپل کار په دفتر کې وکتل.
په دې کتنه کې، چې د وزارت معین صاحبان هم حاضر وو، راغلو مشرانو او مخورو د خپلو یو لړ سیمه ییزو ستونزو شریکولو ترڅنګ، د موجوده نظام څخه خپل بشپړ ملاتړ څرګند او له وزارت سره یې د هر راز همکاریو ډاډ ورکړ.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم په خپلو خبرو کې د راغلو مشرانو او مخورو څخه مننه وکړ او ستونزې یې پر ځای وبللې وې ویل: تاسو مشرانو د دې هېواد لپاره قربانۍ ورکړي، د موجوده نظام ترڅنګ ولاړ یاست، ملي یووالی مو ټینګ کړی او د سولې د ټینګښت لپاره مو هڅې کړي موږ هم پر دې ویاړو، چې ستاسو په شان درانه مشران لرو انشاالله، چې کوم مسؤلیت ما ته راسپارل شوی زه به هغه ستاسو مشرانو په سلامشورو مخته وړم او شته ستونزو ته به په ګډه د حل لارې چال پیدا کړو.
همدا راز ښاغلي محب الله صمیم زیاته کړه د قومي مشرانو څخه مو غوښتنه داده، چې د تلپاتې سولې د ټینګښت لپاره سره لاس په کار شي.
