لغمان کې د ۱۶ کلنې شخړې حل
يکشنبه ۲۵ شوال المکرم ۱۴۴۷
د لغمان ولايت د سرحدونو، قومونو او قبايلو چارو آمريت مسؤلينو د ولايتي ادارې په همکاري او د قومي مشرانو، د يني عالمانو په هڅو د دغه ولايت په دولت شاه ولسوالي کې د ۱۶ کلونو په دوام يوه اوږدمهاله شخړه حل او فصل کړه.
په دغه رامنځته شوې شخړه کې له يوه لوري څخه يوتن وژل شوی و او د ګڼو مالي تاوانونو ترڅنګ يې په ويره او ډار سره ژوند تېراوه، چې د اسلامي امارت مسؤلينو پکې د خير په فیصلې کولو سره هغوی نوي د خوښي ژوند ته راوګرځول.
د روغې جوړې په مراسمو کې د لغمان مرستیال والي د يادې دښمنۍ د پای ته رسېدو پر مهال ګډون والو ته وويل، چې د لغمان ټول مسؤلين او په خاصه توګه دسرحدونوقومونواوقبایلوچارآمریت استازي هڅه کوی تر څو په مرکز او ولسوالیو کې دولسونو ترمنځ شته شخړې حل او فصل کړي نومړي په دې برخه کې له عامو خلکو څخه د همکاري غوښتنه هم وکړه.
