شمال او شمال ختيځو ولايتونو ته د سرحدونو قومونو او قبایلو چارو سرپرست او مل پلاوي سفر
۱۴۴۴/۱/۱۳
د سرحدونو قومونو او قبایلو چارو سرپرست وزير الحاج ملا نورالله نوري او ورسره مل پلاوی د شمالي ولايتونو د رسمي سفر په ترڅ کې د کندز او تخار ولايتونو د سرحدونو قومونو او قبایلو چارو له رياستونو څخه ليدنه تر سره کړه. ياد پلاوی چي سفر يې د ځينو شمالي او شمال ختيځو ولايتونو څخه د ليدنې په موخه پيل کړی وو چهارشنبه مازيګر د کندز ولايت د سرحدونو قومونو او قبایلو چارو رييس مولوي احسان الله ثاقب سره په ياد رياست کې وکتل. د رياست ستونزې او غوښتنې يې واوريدل او د سرحدي سيمو په اړه وروستي معلومات يې ترلاسه کړل. ښاغلي (نوري) د رياست چارې او فعاليتونه وستايل او د همکارۍ ډاډ يې ورکړ. د سفر په دې لړ کې يې نن پنجشنبه د تخار ولايت کې د سرحدونو قومونو او قبایلو چارو له رئيس احمدلله تالقاني صاحب سره وکتل تالقاني صاحب د سرحدي ولسواليو د خلکو د ستونزو او د امو سيند د تخريباتو په اړه معلومات ورکړل، نوموړي د ق تخار د ټولو مېشتو قومونو تر منځ د ښې همغږۍ او همکارۍ او غوښتنه يې وکړه چې د آمو سيند ته دي د تحکيماتو جوړولو غوښتنه او اقدام وشي.
