د TLO مؤسسې سره په بیلابیلو برخو کې د دوه اړخیزو همکاریو هوکړه لیک لاسلیک شو

mobta_admin
سه‌شنبه ۱۴۰۲/۳/۲ - ۲۰:۱۵
Mobta

سه شنبه/۳/۱۱/۱۴۴۴

د سرحدونو، قومونو او قبایلو چارو وزارت او د اړیکو دفتر مؤسسې یا (TLO) تر منځ د عامه پوهاوي غونډو، د شخړو د هواري او د ولسي خلکو د ستونزو د تشخيص په برخه کې د دوه اړخیزو همکاریو په موخه هوکړه لیک لاسلیک شو.

Mobtaد دغې ناستې پر مهال د یاد وزارت د جرګو او قبایلي چارو د همغږۍ معین ملا عبدالخالق عابد، مسلکي معین مولوي احمد طه قادري، د وزارت نورو رئیسانو او د اړیکو د دفتر معاون عبدالرحیم خُرم او مل پلاوي حضور درلود. په پیل کې د هوکړه لیک متن ټولو ګډونوالو ته واورول شو او وروسته د یادې مؤسسې معاون ښاغلي خُرم د دې هوکړه لیک موخه د یاد وزارت له پالیسیو سره سم د ولس او قومونو سره نږدې والی او د هغوی ستونزې حل کول یاد کړل. هغه وویل: د اړیکو دفتر یو غیر دولتي بنسټ دی چې د ولس او حکومت تر منځ د ښو اړیکو را منځته کولو، د قومي شخړو حل، په ولایتونو کې د همغږۍ غونډو جوړولو، د مرکچي قومي سپین ږیرو د ظرفیت لوړونې او نورو برخو کې کار کوي او له تاسو سره به په اړوندو برخو کې په مرکز او ولایاتو کې خپل کارونه مخ ته وړي. ورپسې د جرګو او قبایلي چارو د همغږۍ معین ښاغلي عابد راغلي پلاوي ته هرکلی وکړ او ویې ویل: دا چې په هیواد کې اسلامي نظام قائم دی نو خلک د یووالي په ټغر ناست او د ټولو مېشتو قومونو حقوق خوندي دي. هغه همدا راز وویل: دا هیواد د ټولو ګډ کور دی او د خدمت لپاره به یې ټول په ګډه کار کوو. نوموړي د هوکړه لیک مادو ته په اشارې سره وویل: زموږ او تاسې موخه ټول ولس او خلکو ته خدمت کول او دوی ته اسانتیاوي برابرول دي خدای (ج) دي وکړي چې دا کار په ګډه په ښه ډول سره مخ ته یوسو. په پای کې مسلکي معین ښاغلي قادري راغلي پلاوي ته ډاډ ورکړ او ویې ویل: د ا.ا.ا ټولې ادارې او مسؤلین اطاعت ته ژمن دي زه تاسې ته ډاډ درکوم چې د هیواد په هره برخه کې به ستاسې کړنې په ښه ډول مخ ته ځي او حکومت به مو همکاري کوي. غونډه د هوکړه لیک په لاسلیکولو سره پای ته ورسېده.

تازه خبرونه

پنجشنبه ۱۴۰۴/۶/۶ - ۱۰:۲۷
Background image

د میدان وردګ په دایمیرداد ولسوالي کې له قومي مشرانو او عامو خلکو سره غونډه وشوه

 

پنجشنبه ۴ ربيع الأول ۱۴۴۷

د سرحدونو قومونو او قبايلو چارو وزارت د پلان او لارښوونو پربنسټ د میدان وردګ ولایت په دایمیرداد ولسوالي کې د ياد ولايت د سرحدونو، قومونو او قبايلوچارو. . .

چهارشنبه ۱۴۰۴/۶/۵ - ۱۴:۴۰
Background image

د خوست، ننګرهار او هرات ولايت په يوشمير ولسواليو کې ولسي غونډې جوړې شوې

چهارشنبه ۳ ربيع الأول ۱۴۴۷ د اسلامي اخوت او ټولنيزو ستونزو د حل په موخه د ولسواليو په کچه د ولسي غونډو په دوام تېره ورځ د خوست په شمل دوه منده ولسوالي، د ننګرهار په شيرزادو او د هرات په. . .

چهارشنبه ۱۴۰۴/۶/۵ - ۱۳:۵۱
Background image

نن په کابل کې د سرحدونو، قومونو او قبايلو چارو وزیر الحاج ملا نورالله نوري د ایران له سفیر ښاغلي علي رضا بیګدلی  سره وکتل. 

چهارشنبه، ٣ ربیع‌الاول ١٤٤٧ 


په دې ناسته کې دواړو لوریو د افغانستان او ایران تر منځ د ښه اړیکو پر بنسټ د اقتصادي پراختیا، متقابل باور، سیمه ییزو مسائلو او د لا ښې همغږۍ د رامنځته کولو. . .

BACK TO NEWS

User account menu