د ۱۴۴۳ کال د ۶ میاشتې په ۱۵ مه نیټه د غزني ولایت د سرحدونو او قبایلو چارو آمریت سرپرست محترم مولوي محمد اسحق ادریس ددې ولایت د دیني علماوو ، سپین ږیرو ، مشرانو او ددې ولایت د کوچیانو له استازو سره ددې امریت په دفتر کې لیده کاته
او خبرې اترې وکړې د ناستې پیل د محترم قاري نوراحمد ثاقب له خوا د قرانکریم د څو مبارکو ایاتونو په تلاوت سره وشو.
د ناستې په پيل کې د کوچیانو چارو د همغږۍ مدیر سیدآقا سادات لومړی قومي مشرانو او دیني علماوو ته ښه راغلاست ووایه او د ناستې ګډونوالو ته یې د ناستې د اجندا په اړه معلومات ورکړل چې د ناستې په لړکې د غزني ولایت د سرحدونو او قبایلو چارو د امریت سرپرست محترم مولوي محمد اسحق ادریس د اړوند موضوع چې د قومونو د همغږۍ په اړه وه خبرې وکړې او د ټولو قومونو پر انسجام، یووالي او همغږۍ یې ټینګار وکړ او یادونه یې وکړه چې د اسلامي امارت د ساتنې او پایښت په برخه کې باید ډیرې هڅې وشي نوموړي له مشرانو او قومي مخورو غوښتنه وکړه څو د خپلو بچیانو د زده کړو او تعلیم په برخه کې ډير متوجه
شي ځکه چې زده کړې د یوې ټولنې بنسټیزې بیخ بیناوې دي او له زده کړو پرته موخو او اسلامي اهدافو ته رسیدل ناشوني دي د ناستې په بله برخه کې مولوي حیات الله مفکر، حاجي عبدالمنان او نصرالله کوچي د بیلابیلو موضوعاتو په اړه خبرې وکړې او په ټولو ټولنیزو برخو کې د غزني ولایت د سرحدونو او قبایلو چارو د آمریت دهمکارۍ غوښتونکې شول د ناستې په پای کې ټولو مشرانو او قومي مخورو د اسلامي امارت څخه خپل ملاتړ اعلام کړ او ناسته د هیواد د پرمختګ او د هیواد د ټولو قومونو ترمنځ د یووالي په دعا سره پای ته ورسیده.
