دوشنبه ۲۴ ذوالقعدة الحرام ۱۴۴۷ کاپيسا ولايت ته د سرحدونو، قومونو او قبايلو چارو وزارت د شخړو د حل مرکزي کمېټې د يوه پلاوي د سفر په ترڅ کې چې مشري يې د ياد وزارت د دعوت او ارشاد رئيس.

مفتي شفيع الله ثاقب کوله د دغه ولايت د سرحدونو، قومونو او قبايلو چارو آمريت د مسؤلينو، ولايتي اداري او قومي مشرانو په منځګړيتوب تګاب ولسوالي کې د شاوخوا نولس کلونو مرګوني دښمني په دوستي بدله کړه

د دغه دښمني په پايله کې چې له دواړو لوريو څخه شپږ تنه پکې وژل شوی، څلورتنه ټپيان شوي او د لويو مالي تاوانونو ترڅنګ، کلونه کلونه د دواړو خواوو ترمنځ د دښمني اور بل و

د مسؤلينو په دوامدارو هڅو د مقررو ناستو ورسته د يوې لويې غونډې پرمهال تري تعهودونه واخېستل شول او د شريعت په رڼا کې له فيصلې وروسته سره غاړه غړۍ شول.

د روغې جوړې په يادو مراسيمو کې د وزارت د شخړو د حل مرکزي کمېټې مشر او د دعوت او ارشاد رئيس مفتي شفيع الله ثاقب د نظام ملاتړ د هر افغان مسؤوليت وباله او ټينګار يې وکړ، چې د خلکو ستونزو ته رسېدنه او د هغوی د حقونو تأمين د مسؤلينو دنده ده.

نوموړي همداراز د شخړو د حل په برخه کې پر ولسونو غږ وکړ څو له ناخوالو، بې‌اتفاقۍ او خپلمنځي اختلافاتو لاس واخلي او د يووالي، ورورولۍ له لارې د سولې او ثبات لپاره ګډ کار وکړي.

په پای کې د ښکېلو کورنيو مشرانو د ا.ا.ا له مسؤلينو څخه په مننې کولو سره څرګنده کړه، چې تېر يې هېر کړل، يوبل يې وبښل اوياده يې کړه، چې د راتلونکي لپاره به په مينه، محبت او ورورولي کې خپل ژوند ته دوام ورکوي.