د یو شمېر قومي مشرانو او مخورو ستونزې واورېدل شوې!
د سرحدونو او قبایلو چارو وزیر ښاغلي محب الله صمیم نن غرمه له یو شمېر قومي مشرانو ښاغلي سردار نظام الدین ناصر او د زابل ولایتي شورا غړي ښاغلي مرتضی خان سره د خپل کار په دفتر کې وکتل او خبرې یې ورسره وکړې.
د کتنې په پیل کې راغلو قومي مشرانو او مخورو خپلې یو لړ سیمه ییزې ستونزې د حل په موخه شریکې کړې وې ویل: هڅه مو دا ده، چې په هېواد کې د مېشتو قومونو د یووالي، سولې په ټینکښت او د خپلو ملي او دفاعي ځواکونو څخه د ملاتړ په برخو کې کار وکړو، ترڅو هېوادوالو مو له هوسا ژوند څخه برخمن شي.
ورپسې ښاغلي محب الله صمیم راغلو قومي مشرانو ستونزې پر ځای وبللې وې ویل: دا زموږ مسؤلیت او لومړیتوب دی، چې د خپل ولس ستونزو ته د حل لارې چارې پیدا او په دې برخه کې رښتینې هلې ځلې وکړو.
