د یوې لویې شخړې مخه ونیول شوه
د میدان وردګو ولایت د سرحدنو، قومونو او قبایلو چارو آمر امین الله اخندزاده ددې ولایت چک ولسوالي ته رسمي سفر وکړ، هلته یې د مودو د کلي له کلیوالو او د سیمې له کوچي مېشتو مشرانو سره وکتل.
د دغې ناستې پر مهال د سرحدونو، قومونو اوقبایلو چارو آمر ښاغلي امین الله اخندزاده، د چک ولسوال مولوي سردار احمد او د موضوع دواړو ښکېلو اړخونو حضور درلود.
ناستې ته د سرحدونو، قومونو او قبایلو آمر او د چک ولسوال ښاغلي ثابت په خپلو خبرو کې وویل: ستاسې قضیه د ولایت مقام له لوري عدلي او قضایي ارګانونو ته سپارل شوې ده، دا زموږ مسؤلیت دی ترڅو چې هغوی ستاسې په منځ کې پرېکړه کوي، موږ ستاسې په منځ کې یو هوکړه لیک کوو چې ستاسې ترمنځ د ستونزو مخنیوي وکړي. دوی د دواړو ښکېلو اړخونو ترمنځ یوه توافق نامه ولیکله او دواړه لوري یې په منلو راضي شول.
دا په داسې حال کې ده چې د سرحدونو، قومونو او قبایلو چارو وزارت د هیواد د قومونو ترمنځ د ورورولۍ رامنځته کولو او یووالي په برخه کې نه ستړې کېدونکې هڅې کوي.
