د کوچیانو قشر لپاره د پیژند پاڼو د ویش د طرزالعمل د شریکولو په موخه غونډه تر سره شول!
۱۴۴۴/۱/۲۷
د لوګر ولايت د سرحدونو قومونو او قبایلو چارو ریاست په دې ولایت کې د کوچیانو قشر ته د پیژند پاڼو د طرزالعمل د شریکولو په موخه غونډه تر سره کړه. په پیل کې د لوګر ولایت د سرحدونو قومونو او قبایلو چارو رئیس ښاغلي مولوي محمد عالم رهبر د سیمي کوچي مخورو ته د پیژند پاڼو په ارزښت خبري وکړي او زیاته یې کړه چي تذکره د ټولو افغانانو ملي هويت او اساسي حق دی چي ټول هيوادوال بايد په مساويانه توګه ورڅخه مستفيد شي. نوموړي کوچي مشرانو ته ډاډ ورکړ چې د پېژند پاڼو په ویش کې به ټول اصول او مقرارت په نظر کې نیول کیږي چې ترڅو د کوچي هویت په بشپړه ډول تثبت وي. د یادولو وړده چې ددې ولایت د سرحدونو، قومونو او قبایلو چارو ریاست ته هره ورځ په لسګونه کوچيان د پېژند پاڼو د تائيد ترلاسه کولو په موخه مراجعه کوي.
