د کوزې پښتونخوا د کم عمره شاعر محبوب جان محبوب د نوي چاپ شوي شعري ټولګې ( ربه يو سوال کومه ) د مخکتنې غونډه کې کډون!
د سرحدونو او قبایلو چارو وزارت د جرګو او قبایلي چارو د همغږۍ معين ښاغلي الحاج محمد يعقوب احمدزي نن په هغې فرهنګي غونډه کې ګډون او وينا وکړه، چې د کوزي پښتونخوا د تنکي ځوان شاعر د نوي چاپ شوي کتاب د مخکتنې په مناسبت د پاکستان لپاره د افغان ولسمشر د ځانګړي استازي ښاغلي محمد عمر داودزي له خوا رابلل شوې وه.
ښاغلي احمدزي په خپلو خبرو کې ددغه کم عمره شاعر استعداد او فرهنګي برياليتوبونو ته په اشارې سره وويل: د وياړ خبره ده، چې دغه کم عمره شاعر د شعر په ژبه د ټولنې واقعيتونه خپلو خلکو ته بيانوي ، موږ بايد داسې ماشومان وستايو او د ښوونې او روزنې زمينه ورته برابره کړو، ځکه د نن ورځې مستعد ماشومان د هېواد د راتلونکي جوړوونکي دي.
