د کندهار ولایت سپین بولدک ولسوالۍ ته سفر
۱۴۴۵/۱۰/۲۶
د سرحدونو، قومونو او قبایلو چارو سرپرست وزیر الحاج ملا نورالله نوري له ګاونډي هیواد پاکستان سره د کندهار ولایت د سپین بولدک ولسوالي دروازې ته سفر وکړ چې د کندهار ولایت د سرحدونو، قومونو او قبایلو چارو رئیس ملا عبدالباري او مل پلاوي یې هم ملتیا کوله.
د یاد سفر په پیل کې ښاغلي نوري د بولدک ولسوالۍ په مربوطاتو کې د راستنو شویو مهاجرینو د تخت پول ولسوالۍ انځرګي کېمپ څخه لیدنه وکړه او په یاد پنډغالي کې یې د را ستنو شویو مهاجرینو له ښه وضعیت څخه ډاډ ترلاسه کړ.
وروسته د سپین بولدک دروازې ته لاړ او هلته یې د بولدک له ولسوال ملا عبدالله بشیر او کمیسار ملا عبدالباقي احمد سره یوځای له دروازې څخه لیدنه وکړه او د راتلونکو مهاجرینو او مسافرو په اړه یې هر اړخیز معلومات ترلاسه کړل، ښاغلي نوري د یادې دروازې د کمېسار ولسوال او نورو مسؤلینو څخه د دروازې په مربوطاتو کې شته ستونزې واورېدې او د حل ډاډ یې ورکړ.
