د پښتونخوا له علمي او فرهنګي شخصيتونو سره ليدنه!
د سرحدونو او قبايلو چارو وزارت سرپرست او نوماند وزير ښاغلي محب الله صميم د پاچاخان پوهنتون له پخواني رئيس پروفيسر ډاکټر فضل الرحیم مروت، ليکوال او شاعر او د پښتون مجلې پخوانی مشر حيات روغاني او د عبدالولي خان پوهنتون له استاد ډاکټر سيد ظفرالله بخشالي سره وکتل او د دوه اړخيزو او فرهنګي اړيکو د پراختيا او يو لړ نورو موضوعاتو په اړه يې ورسره خبرې وکړې.
د يادونې وړ ده، چې دغه علمي او فرهنګي شخصيتونه د ارواښاد سليمان لايق د فرهنګي بنسټ د پرانیستې په موخه ددغه بنسټ په بلنه کابل ته راغلي دي.
