د ولسي جرګې غړو سره ناسته
د سرحدونو او قبایلو چارو وزیر محترم محب الله صمیم نن ماښام د خپل کار په دفترکې په ولسي جرګه کې د پروان ولایت د خلکو له استازي ښاغلي عبدالعزیز حکیمي او د کوچیانو استازي الحاج محمد رسول خان کوچي سره وکتل.
په دې کتنه کې راغلو استازو د سرحدونو او قبایلو چارو د وزیر په توګه د ښاغلي محب الله صمیم ټاکل کېدو له امله مبارکي وویله، نوموړي یې د هېواد مجرب او تکړه کدر وباله او د خپلو یو لړ ستونزو شریکولو ترڅنګ یې ښاغلي صمیم ته په چارو کې د لا زیاتو بریاوو هیله وکړه.
ورپسې ښاغلي محب الله صمیم د ولسي جرګې له درنو غړو څخه مننه وکړه چې نوموړي ته یې د باور رایه ورکړه او ژمنه یې وکړه، چې تل به د خپلو هېوادوالو سلا مشورې اوري او په ګډه به د سولې او ملي یووالي د ټینګښت په لارکې هلې ځلې کوي.
