د وسلوالو مخالفینو روانه جګړه د هېواد ملي بنسټونو، تېرو لاسته راوړنو. ولسواکۍ او پرمختګ پر خلاف ده!
روانه جګړه چې طالب یې د نورو د اجنډا پر بنست مخته وړي، په ښکاره ډول د هېواد ملي بنسټونه ورانوي او دوی یو قوي، پر خپلو پښو ولاړ او ودان افغانستان نه غواړي. ځکه باداران یې له داسې افغانستان څخه وېره لري.
خو دوی دې پر دې پوه شي، چې د هېواد ولسونه په اوس وخت کې پر ولسواکۍ، ملي بنسټونو، تېرو لاسته راوړنو، ملي امنیتي او دفاعي ځواکونو او جمهوري نظام باور لري او د دوی د شعوري ويښتیا پر اساس یې بشپړ ملاتړ کوي.
افغانستان به بیا هېڅکه تېرو ترخو تجربو ته نه ګرځي او ورځ تر بلې به پرمختګ کوي، د امنیتي ځواکونو د وړتیا با وجود، چې د هېواد دښمنانو ته یې تل د جګړې په ډګر کې ماته ورکړې بیا هم د هېواد جمهوري نظام پر سولې باور لري او طالب پر جګړې او تیارو باور لري.
محب الله صمیم
د سرحدونو او قبایلو چارو وزیر
