د وزارت MOBTA Reform پروژې د چارو پرچټکتیا ټینګار وشو!
د سرحدونو او قبایلو چارو وزارت مسلکي معین محترم محمد آصف ننګ نن له غرمې مخکې د وزارت د اصلاحاتو MOBTA Reform پروژې مسؤلینو سره د یوې غونډې په ترڅ کې د دوې چارې وارزولې.
په دې غوڼده کې، چې د وزارت یو شمېر رئیسان او آمرین هم حاضر وو، د یادې پروژې مدیر ښاغلي نزاکت علي پارسا د پروژې د فعالیتونو، لاسته راوړڼو او راتلونکو پلانونو په اړه د یوه پرېزنټېشن له لارې معلومات وړاندې کړل او د چارو د بهبود په موخه یې خپل یو لړ وړاندیزونه شریک کړل.
ورپسې مسلکي معین ښاغلي محمد آصف ننګ د یادې پروژې کړنو ته په اشارې سره وویل: چې پروژه باید له نورو ریاستونو سره په بشپړې همغږۍ او همکارۍ سره خپلې چارې پرمخ بوځي او په چارو کې د بهبود په موخه خپلې کړنې چټکې کړي. ښاغلي ننګ دغه راز دوې ته ډاډ ورکړ، چې ستونزو او وړاندیزونو ته به یې مناسبې حل لارې پیدا کړي
