د وزارت له اړوند کتابتون څخه لیدنه
۳/۷/۱۴۴۵
د سرحدونو، قومونو او قبایلو چارو وزارت مسلکي مرستیال الحاج مولوي احمد طه قادري د وزارت په مقَر کې د کارکوونکو د علمي ظرفیت لوړونې په موخه له جوړ شوي کتابتون څخه لیدنه وکړه. د یادې لیدنې پر مهال د وزارت د تحقیق او مطالعاتو رئیس مولوي هدایت الله حقاني او د وزارت نورو کارکوونکو هم ګډون کړی وو.
مسلکي معین ښاغلي قادري کتابتون د کارکوونکو په علمي ظرفیت لوړونه کې اړین وباله، د کتابونو له ورځني کتاب څخه لیدنه وکړه او یادې کتابخانې ته یې د ځینو مهمو کتابونو د اضافه کولو غوښتنه وکړه.
په ورته وخت کې د تحقیق او مطالعاتو رئیس ښاغلي حقاني وویل چې د اسلامي امارت له راتګ سره سم یې د لوستونکو د اولیتونو په نظر کې نیولو سره ۶۳۴ ټوکه نوي کتابونه پېرلي دي چې د رسیماتو پر مهال په ورځني توګه لسګونه د مطالعې مینوال ور څخه ګټه اخلي.
