د وزارت د Mobta Reform پروژې چارې له نږدې وکتل شوې!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن د وزارت د اصلاحاتو پروژې له چارواکو سره وکتل.
په دې کتنه کې لومړۍ د پروژې چارواکو د خپلو ورځینو چارو په اړه معلومات وړاندې کړل او خپلې یو لړ ستونزې یې شریکې کړې.
ورپسې مسلکي معین ښاغلي بارکزي په بېلابېلو برخو کې په وزارت کې د اداري ستونزو په موندلو او اصلاحاتو په موخه ددغې پروژې چارې مهمې وبللې زیاته یې کړه. یاده پروژه باید په وزارت کې د خپل کاري استقامت په چوکاټ کې خپلې چارې په منظم او همغږۍ ډول تر سره کړي ترڅو وزارت خپلې ټاکلې موخې ته ورسیږي.
همدار راز د یادې پروژې چارواکو ښاغلي مسلکي معین ته ډاډ ورکړ، چې خپلې چارې به پوره همغږۍ اوصداقت سره تر سره کوي.
